CAPHAREUS

CAPHAREUS

mons altissimus et proimontor. Euboeae, Capo dell' ore, Hellespontum verus, impetuosus, et formidolosus, propter scopulorum frequentiam et crebros undarum vortices. 20. miliar. a Scyro insul. in Austrum, 12. a Cariso. 70. a Chalcide in Ortum. Hîc Nauplius, Euboeae Rex, mortem filii Palamedis Ulyssis dolô inter fecti ultus est. Nam cum Graeci Troiâ dirutâ redirent, Nauplius facem in montis vertice posuit, ut locus fidem portûs haberet, quo cum venissent, multi naufragium fecerunt. Unde Virg. Aen. l. 11. v. 261.

Euboicae cautes, ultorque Caphareus.

Ovid. Met. l. 14. v. 481.

Quos communis hiems importunusque Caphareus

Mersit aquis. ----

Et paulo ante, v. 472.

---- Cumulumque Capharea cladis.

Et l. 1. Trist. El. 1. v. 83.

Quicumque Argolicâ de classe Capharea fugit,

Semper ab Euboicis vela retorquet aquis.

Seneca Tragoedus, Agamemn. Actu 3. v. 559.

Ubi saxa rapidis clausa vorticibus tegit

Fallax Caphareus. ---- -----

Statl. l. 7. Theb. v. 371.

Non humiles Aegas altumque Capharea dixi.

Propert. l. 3. El. 6. v. 39.

Saxa triumphales fregêre Capharea puppes,

Naufraga cum vasto Graecia tracta salo est.

Idem l. 4. El. 1. v. 115.

Nauplius ultores sub noctem porrigit ignes,

Et natat exuviis Graecia pressa suis.

Bassus, Antholog. 1.

Ο᾿υλόμεναι νήεςςι Καφαρίδες αἵ ποτε ῃόςτον

Ω᾿λέςαθ᾿ Ε῾λλην´ων, καὶ ςτόλον Ι᾿λιόθεν.

Pacuvius in Duloreste apud Priscianum, in voce Pleros, ait, Pater Achoeos in Caphareis saxis pleros perdidit. Merito igitur Capha rus, i. e. contritor scopulus a Phoenicibus est appellatus. Bochart. l. 1. Chanaan, c. 13. 14. Nic. Lloydius.